तुम्ही, जर suranachi bhaji Marathi recipe शोधत असाल तर हा ब्लॉग तुमच्यासाठी आहे. सुरण, ज्याला इंग्रजीत Elephant Foot Yam किंवा ओळ किंवा जिमीकंद म्हणतात, हे महाराष्ट्रातील पारंपारिक जेवणात वापरले जाणारे एक पौष्टिक कंद आहे. सुरणाची भाजी ही चवदार, आरोग्यदायी आणि झटपट होणारी भाजी आहे, जी पोळी, भाकरी किंवा साध्या भातासोबत छान लागते. चला, आज आपण ही पारंपारिक सुरणाची भाजी कशी बनवायची ते पाहूया.
सुरणाच्या भाजीसाठी लागणारे साहित्य
- ३०० ग्रॅम सुरण (साफ करून, मध्यम आकाराचे तुकडे)
- १ मोठा कांदा (कापून)
- १ लहान कांदा (बारिक चिरून)
- १ टेबलस्पून आले-लसूण पेस्ट
- १/२ कप ओल्या नारळाचा किस
- १/२ टीस्पून मोहरी
- ४-५ कोकम
- १/२ टीस्पून हळद
- १ टीस्पून लाल तिखट
- १ टीस्पून काश्मिरी मिरची पावडर
- १ टीस्पून धणे पावडर
- १ टीस्पून गरम मसाला
- २-४ टेबलस्पून तेल
- मीठ चवीनुसार
- पाणी आवश्यकतेनुसार
- कोथिंबीर (सजावटीसाठी)
कृती – Step-By-Step Suranachi Bhaji Marathi Recipe
- सुरणाची तयारी:
सुरण स्वच्छ पाण्याने धुऊन घ्या. योग्यप्रकारे सालपट काढून मध्यम तुकडे करा. सुरण कापताना कोकम, चिंच किंवा लिंबाचा रस लावा. हाताला किंवा घशाला खाज येऊ नये म्हणून. - ग्रेव्हीसाठी पेस्ट:
एका कढईत १ टेबलस्पून तेल गरम करून त्यात मोठा कांदा घालून परता. कांदा लालसर झाला की त्यात ओला नारळ घालून थोडं परतून घ्या. मिश्रण थंड होऊ दया आणि मिक्सरमध्ये बारीक वाटून घ्या. - भाजी बनवणे:
दुसऱ्या कढईत २ टेबलस्पून तेल घेऊन गरम करा. त्यात मोहरी टाका. मोहरी तडतडू दया. नंतर लहान कांदा घालून परता. कांदा हलका गुलाबी झाला की आले-लसूण पेस्ट, हळद, लाल तिखट, काश्मिरी मिरची, धणे पावडर घालून परता. - सुरण घालणे:
मसाल्यात सुरणाचे तुकडे घाला. १ कप गरम पाणी टाकून सगळं एकत्र करा. झाकण ठेवून ८-१० मिनिटं मध्यम आचेवर शिजवा. - ग्रेव्ही घालणे:
आता वाटलेली कांदा-नारळ पेस्ट, कोकम, गरम मसाला आणि मीठ घालून नीट ढवळा. पुन्हा झाकण ठेवून ५-७ मिनिटं मंद आचेवर शिजवा. भाजीला तेल सुटेल. आता आपली भाजी तयार आहे. - सजावट व सर्व्हिंग:
वरून कोथिंबीर घालून गरम गरम सुरणाची भाजी पोळी, भाकरी किंवा भातासोबत सर्व्ह करा.
सुरणाची भाजी बनवताना खास टिप्स
- सुरणाची खाज टाळण्यासाठी:
सुरण कापल्यानंतर लगेच कापलेल्या तुकड्यांना कोकम, चिंच, लिंबाचा रस किंवा व्हिनेगर लावा. त्यामुळे आपल्याला खाज होणार नाही. - सुरण निवडताना: पांढरा सुरण वापरा. गडद रंगाच्या सुरणामुळे कधी कधी जास्तप्रमाणात खाज येऊ शकते.
- फ्रोजन सुरण:
फ्रोजन सुरण वापरू शकता, कारण ते आधीच स्वच्छ आणि कापलेले असते, त्यामुळे तुमचा वेळ वाचतो. - अधिक पौष्टिकतेसाठी:
भाजीमध्ये शेंगदाण्याचं कूट, थोडं गूळ किंवा थोडं ओलं खोबरं घालू शकता. अधिक पौष्टिकतेसाठी तूप, जिरं, हिरवी मिरची, शेंगदाण्याचं कूट आणि कोकम वापरून भाजी बनवा.
आरोग्यदायी फायदे
सुरणात व्हिटॅमिन्स, प्रोटीन आणि फायबर मुबलक प्रमाणात असतात. पचनासाठी उत्तम आहे, आणि शरीरातील सूज कमी करण्यास मदत करते. लहानांसाठी ही भाजी आरोग्यदायी आहे.
निष्कर्ष
सुरणाची भाजी ही पारंपारिक, चवदार आणि आरोग्यदायी महाराष्ट्रीयन भाजी आहे. योग्य पद्धतीने आणि टिप्स लक्षात ठेवून बनवल्यास ही भाजी कुटुंबातील सर्वांना आवडेल. नक्की करून बघा आणि तुमचा अनुभव शेअर करा!
नेहमी विचारले जाणारे प्रश्न
सुरणाची भाजी कशी बनवतात?
सुरणाची भाजी सुरणाचे तुकडे, कांदा, आले-लसूण, मसाले आणि नारळाच्या किसासोबत शिजवून बनवली जाते. ती पोळी किंवा भातासोबत खाल्ली जाते.
सुरण कापताना खाज येते का?
हो, सुरण कापताना त्यातील रसायनामुळे हाताला खाज येऊ शकते. कोकम किंवा लिंबाचा रस लावल्यास खाज कमी होते.
सुरणाची भाजी किती वेळात तयार होते?
साधारणपणे सुरणाची भाजी २०-२५ मिनिटांत तयार होते. सुरण नीट शिजल्यावर भाजी चवदार होते.
सुरणाची भाजी कोणत्या मसाल्यांपासून बनवतात?
सुरणाची भाजी हळद, लाल तिखट, धणे पावडर, गरम मसाला आणि मोहरी यांसह बनवतात. ओल्या नारळाचा किस भाजीला खास चव देतो.
सुरणाची भाजी कशासोबत खावी?
सुरणाची भाजी पोळी, भाकरी किंवा साध्या भातासोबत छान लागते. ती लोणच्याबरोबरही खाल्ली जाते.
सुरणाची भाजी आरोग्यासाठी कशी फायदेशीर आहे?
सुरणात फायबर आणि व्हिटॅमिन्स मुबलक असतात जे पचन सुधारतात आणि शरीरातील सूज कमी करतात. त्यामुळे ही भाजी आरोग्यदायी मानली जाते.
सुरणाची भाजी बनवताना कोणत्या प्रकारचे सुरण वापरावे?
पांढऱ्या रंगाचा ताजा सुरण वापरणे उत्तम असते कारण तो चवदार आणि कमी खाजट असतो. गडद रंगाचा सुरण कधी कधी जास्त खाज आणू शकतो.
सुरणाची भाजी जास्त काळ कशी ताजी ठेवावी?
सुरणाची भाजी फ्रिजमध्ये हवाबंद डब्यात ठेवल्यास २-३ दिवस ताजी राहते. गरम करताना थोडे पाणी घालून परत गरम करणे चांगले.
नमस्कार! मित्र आणि मैत्रिणींनो, मी सुशील जाधव, सोलापूरचा एक मराठी माणूस आणि महाराष्ट्रीय पाककृतीचा जबरदस्त छंदी. शिक्षणाने मी पुणे विद्यापीठातून बी.सी.ए. (BCA) पदवीधर आहे, पण मनाने मी एक अन्नप्रेमी आहे – महाराष्ट्राच्या रुचकर, नव्या-जुन्या पद्धतीच्या पाककृती शोधायचं, बनवायचं आणि इतरांना शिकवायचं माझा छंद आहे.